Tiranë, Ministri i Energjerikës flet në Asamblenë Parlamentare të NATO-s
Në ditën e dytë të Asamblesë Parlamentare të NATO-s në Tiranë, foli edhe ministri i Energjisë dhe Industrisë Damian Gjiknuri. Ai tha se Shqipëria merr një rol me rëndësi në rajon për shkak të ndërtimit të gazsjellësit TAP. Në prezantim që Gjiknuri bëri përpara Komitetit të Shkencës dhe Teknologjisë të kësaj asambleje tha se në një të ardhme jo të largët, me këtë gazsjellës do të lidhet edhe Termocentrali i Vlorës, duke e kthyer Shqipërinë në një fuqi energjetike për shkak të alternimit mes asaj hidro dhe gazit natyror. “Termocentrali i Vlorës do të lidhet në të ardhmen me gazsjellësin TAP, në mënyrë që të kthehet në pikë mbështetjeje të të gjithë bilancit tonë energjetik. Nga kjo pritet që të kemi interesa ekonomike më të mëdha nga portofoli ynë hidrik, sepse do të sheshim energji hidro në momentet pik dhe të përdorim përzierjen mes hidros dhe gazit si furnizim bazë për nevojat tona energjetike. Mendoj se është strategjia e duhur që po ndjek qeveria shqiptare me përfundimin e masterplanit të gazit dhe duke filluar më pas me krijimin e tregut të gazit në Shqipëri”, tha ministri Gjiknuri.
