Italianët identifikuan trafikantët shqiptarë të kësaj organizate
Milionat e drogës vinin në Tiranë me pako rrobash me autobuzë të linjave mes Shqipërisë e Italisë. Ky është zbulimi që ka bërë policia italiane. Hetimet verifikuan gjatë muaj e të fundit transportin e mbi 1 milionë euro në Shqipëri 200 mijë prej të cilave të sekuestruara. Para të transportuara sikur te ishin pako me rroba , transportuesit e të cilave merrnin 1 për qind të përfitimit nga shuma e parave. Vetëm në muajt e fundit janë nisur drejt Shqipërisë 300 mije euro cash në një pako të vetme. Ndërsa lënda narkotike sipas Policisë italiane importohen nga Shqipëria me anë të makinave të modifikuara me një sistem të vecantë për zhbllokimin e të cilit duhej të aktivizohedhin njëherëz larësja e xhamave, dritat e makinës dhe friksioni. Hetimet e këtij operacioni kanë nisur në shkurt të vitit 2014, pas sekuestrimit nga policia e Milanos e 42 kg heroinë. Hetimet e mëtejshme zbuluan ekzistenën e një grupi kriminal të degëzuar në Veri të Italisë e në Shqipëri. Nga Shqipëria importoheshin sasi të mëdha heroine e kokaine. Investiguesit italianë mundën të identifikojnë furnizuesit shqiptarë të kësaj organizate si dhe korrierët e tyre, të cilët importonin drogë në Itali me anë të makinave të modifikuara.
