Agjencia Europiane e Barnave (EMA) ka miratuar përdorimin e kombinimit të antitrupave monoklonalë, i njohur si REGN-COV2 për të trajtuar koronavirusin.
Ky kombinim u përdor edhe nga ish-presidenti Donald Trump pasi ai rezultoi pozitiv në testin e COVID-19, ndërkohë që do të lejohet të përdoret te personat që janë në rrezik të lartë për jetën.
Antitrupat monoklonalë “Casirivimab” dhe “Imdevimab” u krijuan nga kompania amerikane Regeneron Pharmaceuticals.
“Për sa i përket sigurisë, shumica e efekteve anësore të raportuara ishin të lehta ose të moderuara, por ka pasur reaksione të lidhura me infuzionin, përfshirë reaksionet alergjike, dhe duhet të monitorohen,” deklaroi EMA.
