Të tjera detaje dalin në dritë nga atentati mafioz që iu bë sot në mes të Tiranës një 65-vjeçari nga Berati, i cili mbeti i vrarë pranë Rrugës së Elbasanit.
Ngjarja ka ndodhur në zonën e Piramidës ku është ekzekutuar me armë zjarri selenciator 66 vjeçari, Behar Sulo Sofia nga Lapardhaja e Beratit.
Behar Sofia është një emër i njohur për policinë si një person i përfshirë në aktivitete kriminale të drogës.
Kujtojmë se disa vite më parë ai u arrestua së bashku me Abdulselam Turgut për trafikun e dhjetëra kilogramëve drogë nga Turqia në Shqipëri. Bizneseve të tij pranë stadiumit Dinamo në Tiranë i janë vendosur shpesh tritol me qëllim paralajmërimin e tij.
Ndër të tjera kujtojmë se 66 vjeçari në gusht të vitit 2009 ka qenë një ndër emrat e përfshirë në ngjarjen e Durrësit ku u vranë 4 policë gjatë operacionit për të arrestuar Dritan Dajtin.
