Nga Elona Caslli
Në pamundësi për të përligjur fotot e Ramës në dush dhe në dhomën e gjumit do ekzekutojmë normalitetin e Bashës.
Në pamundësi për të përligjur çmendurinë e Ramës, teksa luan basketboll me ushqimin (duke përdorur një tortë si top basketbolli) në emisionin e Ermal Mamaqit do ekzekutojmë normalitetin e Bashës.
Në pamundësi për të përligjur çmendurinë e Ramës në dëbimin e 470.000 shqiptarëve gjatë tetë viteve, do ekzekutojmë normalitetin e Bashës.
Në pamundësi për të përligjur çmendurinë e Ramës teksa u nxjerr shqiptarëve shollën e këpucës, do ekzekutojmë normalitetin e Bashës.
Në pamundësi për të përligjur çmendurinë e Ramës në betonizimin e një qyteti, do ekzekutojmë normalitetin e Bashës.
Në pamundësi për të përligjur çmendurinë e Ramës teksa u nxjerr gishtin e mesit shqiptarëve, do ekzekutojmë normalitetin e Bashës.
Në pamundësi për të përligjur çmendurinë e Ramës teksa shpall Korçën si parajsë tokësore lidhur me rrogat, do ekzekutojmë normalitetin e Bashës.
Në pamundësi për të përligjur çmendurinë e Ramës në futjen e horrave në parlament me alibinë se nuk e dinim se ishin horra, do ekzekutojmë normalitetin e Bashës.
Në pamundësi për të thënë se duam ta mbështesim dhe ta votojmë çmendurinë e Ramës për herë të tretë, do ekzekutojmë normalitetin e Bashës.
Post Scriptum- Mos na fyeni shqisat të paktën!
