Gjykata Kushtetuese këtë të enjte do të zhvillojë seancën e dytë, pas ringritjes së saj dhe bërjes funksionale.
Gjatë kësaj seance Kushtetuesja do marrë në shqyrtim padinë e Shoqatës Pronësi me Drejtësi kundër ligjit për trajtimin e pronës dhe përfundimin e procesit të kompensimit të pronave.
Kjo seancë e cila nis në orën 10:00 do të zhvillohet pa praninë e publikut, prej situatës e rregullave që kanë hyrë në fuqi, për shkak të COVID-19.
Kujtojmë se më 26 janar, Gjykata Kushtetuese mori vendimin e parë, ku vendosi që të rrëzonte kërkesën duke mos e ndryshuar Kodin e Procedurës penale për gjykimet në mungesë.
