Zv.ambasadori amerikan David Muniz: Kompanitë amerikane kanë bllokuar planet për investime sepse nuk kanë siguri
Qeveria Rama vazhdon propagandën për rritje të investimeve të huaja. Edhe pse sot ambasada amerikane paraqiti një situatë të zymtë të invstimeve të huaja në Shqipëri, ministrja e ekonomisë ka të tjera shifra dhe paraqet një situatë optimiste.
“Për investimet e huaja kemi disa shifra të kënaqshme për vitin 2015. Investimet e huaja u rritën në 884 milion euro nga 869 milion euro, numri i ndërmarrjeve me kapital të huaj u rrit 13 %, numri i të punësuarve falë dhe luftës që bëmë kundër informalitetit u rrit me 33.7%. Por, të gjithë këta indikatorë që arritëm duhet të mbahen”, thotë ministerja e Ekonomisë, Milva Ekonomi.
Të kundërtën deklaroi sot zëvëndësambasadori amerikan, David Muniz. “ Investitorët që kanë dashur të investojnë në Shqipëri janë frikësuar dhe kanë ikur.”- tha Muniz. Ai konstaton se në vendin tonë ekzistojnë disa problematika që vështirësojnë tërheqjen e investitorëve të huaj. “Kompanitë amerikane kanë bllokuar planet për investime për shkak të zvarritjeve gjyqësore. Drejtësia nuk po bëhet. S’bëjnë investime sepse nuk kanë siguri, ka edhe investitorë me përvoja të këqija. Edhe pronat janë probleme, me mbivendosjen e titujve të pronësisë”- ka deklaruar Muniz.
Të njëjtin qëdnrim mbajtën pak kohë më parë investitorët gjermanë. Dhoma gjermane e Tregëtisë publikoi pak javë më parë një sondazh të kryer në investitorët gjermanë të cilët në shumicë dklaronin se Shqipëria do të ishte vendi i fundit ku do të përqëndronin investimet e tyre.
Zonja Ekonomi po ndjek gjurmët e parardhësit të tij, Arben Ahmetaj i cili tha për raportin e dhomës gjermane të tregtisë, se investitorët gjermanë kanë perceptim të gabuar për investimet e tyre në Shqipëri.
