Janë 195 doza vaksine anti-Covid që janë sjellë dorazi, privatisht gjatë ditës së djeshme në Tiranë.
Të prodhuara në Gjermani nga Pfizer-Biontech, vaksinat anti-Covid kanë ardhur vetëm disa orë para se Edi Rama të shpohej dhe të bënte vaksinën live në media, për të plotësuar panoramën e propagandës së tij.
Ato janë zhdoganuar në orën 13:45 minuta të ditës së djeshme.
Vetëm në një vend si Shqipëria me qeverinë që e drejton një njeri si Edi Rama, vaksinat që në vende të tjera ruhen me eskorta policie dhe shoqërohen nga dhjetëra media, hyjnë sikur të ishin të vjedhura.
Kjo më shumë për të ushqyer propagandën se i ka sjellë Edi Rama, e jo se i solli shteti shqiptar.
Këto janë dokumentet e zhdoganimit të 195 dozave të para, ku vërehet se vendi i origjinës dhe i eksportit është Gjermania, ndërsa që pjesa tjetër e produkteve, shiringat, aget dhe substancat shoqëruese kanë adresën e shtetit fqinj, Itali.
Sasia e vaksinave ka hyrë në datën 11 janar nga aeroporti i Rinasit, dorazi dhe është marrë në dorëzim nga Instituti i Shëndetit Publik.
Vendi i origjinës është Gjermania./syri.net
