Megjithëse qeveria bëri të pamundurën të justifikojë shfaqjen e grykësisë së Rilindjes në restorantin luksoz të Nusretit në Dubai, mbeten disa pyetje të thjeshta pa u sqaruar.
Nëse e marrim të mirëqenë që janë sheikët arabë vendas që kanë paguar darkën përse pala pritëse nuk është e pranishme në tavolinë, meqës darkën e paska afruar ajo?
Veç kësaj pala e ashtëquajtur pritëse a do të afronte kurrë një drekë apo darkë (as te Nusreti) shoqëruar me verëra të rralla? Dihet që arabët i përkasin besimit islam dhe për alkolin kanë një qëndrim krejt të palejueshëm.
Sa për të krijuar një ide se ku janë nginjur rilindasi po botojmë menunë e Nusretit me gjithë çmimet përkatëse.
Dhe një pyetje që në dukje të parë e parëndësishme: A do të karantinohen të gjithë grykësit sa të kthehen në Shqipëri, meqë ishin mbledhur si miza pa distancë sociale duke ngrënë dhe duke pirë?
Nuk thuhet askund se ku kanë fjetur gjithë këta njerëz të Rilindjes në Dubai. Sipas informacioneve shumë të sigurta shpura qeveritare ka fjetur në Burj Khalifa. Kush e ka paguar këtë faturë? SPAK duhet të dërgojë një kërkesë të thjeshtë hotelit për të patur faturën. Po kështu dhe Nusretit.
Kjo shfaqje perverse e grabitjes së Shqipërisë nëpërmjet qeverisë ka si personazh ministra si Arben Ahmetaj që duhet të merret me mjeranët që kanë mbetur pa shtëpi nga tërmeti dhe ministre si Belinda Balluku që firmos koncesione.
Ky shfrenim grykësie në Dubai në fakt nuk ka lidhje me arabët, por me dhënien me koncesion të Portit të Vlorës. Është një falenderim për dhënien e këtij koncesioni.
Deputeti Ditmir Bushati vetëm pak ditë më parë paralajmëronte këtë katrahurë me një fjalim të pashoq në Kuvend që e keni më poshtë.
Dhe në fund Nusreti është restorant i preferuar i rilindasve. E harruat Vangjush Dakon në verë?
Nis pushimet Gjush Akullorja! Për relax në Turqi tek Nusreti, 1300 dollarë bifteku (foto)
