Ish-Presidenti George W. Bush ka lëshuar një deklaratë të fortë duke dënuar sulmet në ndërtesën e Kapitolit të SHBA-së. Bush nuk e përmend Presidentin Trump me emër, por ka një referencë të qartë në deklaratën e tij për të dhe zyrtarë të tjerë republikanë.
“Unë jam i tmerruar nga sjellja e pamatur e disa udhëheqësve politikë që nga zgjedhjet dhe nga mungesa e respektit të treguar sot për institucionet tona, traditat tona dhe zbatimin e ligjit tonë. Kështu diskutohen rezultatet e zgjedhjeve në një republikë bananesh, jo në republikën tonë demokratike”,- tha ai.
Senatori Republikan Mitt Romney e cilësoi kryengritje.
“Për shkak të krenarisë së dëmtuar të një njeriu egoist dhe zemërimit të mbështetësve të tij, të cilët ai qëllimisht i ka keqinformuar për dy muajt e fundit dhe i ka nxitur për veprim këtë mëngjes. Ajo që ndodhi këtu sot ishte një kryengritje, e nxitur nga Presidenti i Shteteve të Bashkuara”,- tha Romney.
