Gent Cakaj ka dhënë dorheqjen nga posti i ministrit të Jashtëm, vendin e tij do e zërë Olta Xhaçka. Ish-zv.kryeministri Niko Peleshi është rikthyer në një post të rëndësishëm në qeveri duke marrë Ministrinë e Mbrojtjes.
Lajmin e publikoi vetë kryeministri Edi Rama.
“Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme.Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes,” shkruan ai.
