Eksperti amerikan i sëmundjeve ngjitëse, Anthony Fauci, ka marrë ditën e sotme dozën e parë të vaksinës anti-koronavirus të prodhuar nga kompania Moderna.
Vaksinimi i tij u bë në Maryland dhe u pa “live” nga miliona qytetarë, ndërkohë që në SHBA tashmë ka filluar edhe vaksinimi me vaksinën e prodhuar nga Moderna, pas asaj të zhvilluar nga Pfizer.
Pas Faucit, vaksinën e morën edhe drejtori i Instituteve Kombëtare të Shëndetit Dr. Francis Collins, Sekretari i Shëndetit dhe Shërbimeve Njerëzore Alex Azar dhe gjashtë punonjës të tjerë shëndetësor.
Kryeepidemiologu amerikan tha se ëhstë shumë e rëndësishme që njerëzit të vaksinohen, pasi në këtë mënyrë do të kenë një mbulesë mbrojtëse që t’i japin fund kësaj pandemie.
“Si një simbol për pjesën tjetër të vendit që unë ndiej besim të jashtëzakonshëm në sigurinë dhe efikasitetin e kësaj vaksine, dhe dua të inkurajoj të gjithë ata që kanë mundësi të vaksinohen në mënyrë që të kemi një mbulesë mbrojtjeje mbi këtë vend që do t’i jepte fund kësaj pandemie “, tha Fauci.
