Drejtori i Komunikimit në zyrën e kryeministrit, Endri Fuga e pranon se qeveria, për të cilën punon duket nuk ka gjë në vijë për të gjetur vaksinën.
Fuga e shpreh mërzinë në lidhje me këtë fakt duke shpresuar që variant i ri i COVID, nuk do e bëjë rezistent ndaj vaksinës, Fuga shkruan se ky është një tregues që në betejën kundër këtij virusi duhet një vaksinim universal.
“Shpresojmë që mutacioni i ri nuk do ta bëjë COVID-19 rezistent ndaj vaksinës ekzistuese. Por, është një kujtesë kundër egoizmit kombëtar.
Vendet e fuqishme mund të blejnë të gjithë dozat e vaksinës pa lënë asgjë për pjesën tjetër, por ja që një mutacion i vogël mund ta bëjë të gjithë përpjekjen të padobishme.
Vaksinimi universal është një domosdoshmëri”,- shkruan Fuga në postin e tij në rrjetin social.
