Ekipi i kombëtares shqipëtare të futbollit është mundur sot nga ekipi kombëtar grek në ndeshjen eliminatore të Europianit për femra. Ndeshja mes Greqisë dhe Shqipërisë është zhvilluar në Trikalla. Ffutbollistet kuqezi, të drejtuara nga trajneri Altin Rraklli, janë mundur me rezultatin e ngushtë 3:2. Golat për kombëtaren helene janë shënuar nga Sidira 6 (pen), Kongouli 10’ dhe Panteliadou 15’.
Megjithatë, edhe pse në disavantazh të shpejtë, 3:0, vajzat e kombëtares kuqezi janë munduar të reagojnë dhe madje kanë shënuar dy herë, duke e rihapur ndeshjen. Velaj ka shënuar në portën greke në minutën e 26’ dhe Hashani në minutën e 41. Pjesa e dytë ka qenë mjaft intensive, sepse Shqipëria kërkonte të barazonte, ndërkohë që helenet i kanë kushtuar më shumë rëndësi mbrojtjes së fitores, të cilën e kanë “vulosur” në fund.
/27.al/
