Lideri i Opozitës Lulzim Basha, këtë të premte është ndalur në Kukës, ku ka vizituar një punishte artizanale.
Basha është takuar me sipërmarrësen, ku është njohur me shqetësimet si edhe aktivitetet e punishtes.
“Këtu qenka edhe punishte edhe shkollë edhe ekspozitë, por situata ekonomike është shumë e vështirë. Në këtë gjendje shteti ka detyrë të ndihmojë qytetarët. Kujtojmë se Kosova ka gjysmën e buxhetit të Shqipërisë dhe ka ndarë paketën e tretë. Kukësi është në krye të listës për varfërinë dhe papunësinë dhe qeveria duhet të zgjidhë qesen për qytetarët. Njerëzit e punës duhen mbështetur”, tha Basha.
