Policia ka zbardhur detaje nga vrasja e Ridvan Ramazanit në Mushan të Shkodrës gjatë mesditës së sotme.
Mësohet se 46-vjeçari është gjetur i vrarë brenda makinës së tij tip “BMW” pranë një karburanti.
Policia bën me dije se është ngritur grupi hetimor për zbulimin e shkaqeve dhe gjetjen e autorit apo autorëve të vrasjes së Ramazanit.
Njoftimi i policisë
Më datë 28.11.2020, rreth orës 11:20, në fshatin Mushan, Shkodër, në afërsi të një pike karburanti është gjetur, dyshohet i vrarë me armë zjarri në mjetin e tij tip “BMW” shtetasi R. H. 46 vjeç banues në fshatin Darragjat, Shkodër, Shërbimet e Policisë kanë mbritur menjëherë në vendngjarje.
Grupi hetimor nën drejtimin e Prokurorisë po vijojnë punën për sqarimin e rrethanave të kësaj ngjarje, identifikimin dhe kapjen e autorit/ve.
Në ndihmë të Policisë lokale janë nisur forcat e FNSh Shkodër dhe forcat Speciale Renea
Vijon…
