Ministrja e Arsimit Evis Kushi zbulon si do të zhvillohet mësimi nga 1 dhjetori!
Kushi zbuloi një skemë të re sa i përket klasave të tjera, duke thënë se në javët tek (1-3), 2 ditët e para zhvillohet mësim në shkollë, dhe tre të tjerat online, kurse në javët çift (2-4) dy ditët e para online, dhe tre të tjerat në shkollë.
Ajo ka shpjeguar gjithashtu se shkollat private apo në fshat që kanë pak nxënës mund të vijojnë me skenarin 1, kurse në raste më të rënduara do të aplikohen skenarë të tjerë.
“Pas rekomandimit të djeshëm për zhvillimin e mësimit të kombinuar jam sot këtu për t’iu informuar rreth disa vendimeve. Duan të shpreh vlerësimin për punën në këto muaj të parë të vitit shkollor. Dini të tregoni se jeni hallkë e shëndetshme. Gjej rastin që për mësuesit dhe prindërit e tyre të prekur të ndaj urimin për shërim sa më të shpejtë. Ne kemi përgatitur dhe kemi bërë publike skenarët e mundshëm. Mbrëmë pas konsultimeve dhe orëve të gjata të punes kemi hartuar shtojcën për vitin 2020-2021 e cila është në faqen e Ministrisë.
Shkollat do kenë fleksibilitet në përzgjedhjen e orëve të kombinuar në varësi të kushteve të saj specifike. Skenari i mësimit do të nisë nga data 1 dhjetor deri në një vendim tjetër. Gjatë kësaj periudhë do vazhdojë i njëjti program arsimor dhe orari mësimor që shkollat kanë tani. Çdo të premte shkollat do të raportojnë në zyrat arsimore dhe pastaj do të merret vendimi për çdo shkollë. Sipas këtij udhëzuesi klasat e arsimit fillor nga e para në të pestën dhe klasa e 123 do vazhdojnë normalisht mësim se deri tani. Ndërkohë klasat e tjera do bëjnë mësim kështu. Në javën tek, dy ditët e para në shkollë dhe tre ditët e tjera online. Në javët çift ditët këmbehen. Në varësit të situatës së Covid-19 nëse ka rëndim të situatës mund të aplikohet skenari kur vetëm maturantët bëjnë mësim në shkollë ndërsa të tjerat online”.
