“U zgjuam natën nga tundjet e shtëpisë, Ishin tmerr. Menjëherë telefonatat. Durrësi keq. Mbërrin makina dhe nisem për në Durrës. Gjatë gjithë rrugës flisja me kë mundesha ministra, kryetar bashkisë, Laçi keq, Thumana shumë keq“. E ka nisur kështu rrëfimin e tij dramatik kryeministri Edri Rama, përmes një video-montazhi të publikuar nëpër rrjetet sociale.
Në mini dokumentarin e shkurtër në një vjetorin e tërmetit të 26 nëntorit, Rama duket se ja ka mbathur në Dubai pas stresit të krijuar teksa e mbyll videon e tij, duke thënë se tragjedinë e konsideron si një mundësi të re. Në vizitën e tij drejt Emirateve të Bashkuara Arabe nuk do të mungoj as ministri i Rndërtimit Arben Ahmetaj.
Gjithashtu kryeministri ia ka deleguar interpelancat e thirrura sot ministres së Shëndetësisë, Ogerta Manastirliu.
Emiratet e Bashkuara Arabe kanë dhënë 70 milionë euro për rindërtimin në Shqipëri pas tërmetit të 26 nëntorit.
