Një studim i fundit britanik i publikuar në revistën shkencore “Lancet” ka treguar që personat e infektuar me COVID e përhapin më shumë virusin në 5 ditët e para të infektimit.
Pra, personat që shfaqin simptomat e para duhet të izolohen sa më shpejt, në mënyrë që të ulet rreziku i përhapjes së koronavirusit.
Sipas shkencëtarëve britanikë, deri në 5 ditë pas shfaqjes së simptomave koronavirusi shfaq nivelin më të lartë të shumimit, ndaj është edhe më e lehtë për t’u përhapur nëpërmjet kollës dhe tështimës.
Në studim thuhet se në fytin e personave të infektuar janë gjetur grimca të COVID-19 deri në 17 ditë pas simptomave të para, por pas ditës së 9 shumica e të infektuarve nuk paraqet më rrezik për përhapjen e virusit.
