Për shkak të rritjes së rasteve me koronavirus, qeveria e Kosovës ka miratuar sot masat e reja antiCovid.
Qeveria ka vendosur që procesi arsimor në të gjitha institucionet e arsimit të lartë, publik dhe privat të organizohet në formën online.
“Procesi arsimor në të gjitha institucionet e arsimit të lartë, publik dhe privat, organizohet në formën online, ndërsa provimet, puna praktike dhe laboratorike organizohen duke respektuar të gjitha rekomandimet e IKShPK-së dhe MSh-së”, thuhet në vendimin e Qeverisë së Kosovës.
Masat e reja do të hyjnë në fuqi ditën e premte (13 nëntor).
