Momente drithëruese, janë ato të takimit të Endri Dumanit me nënën dhe dajen e tij, për herë të parë pas 7 vitesh. Endri shihet i hutuar nga ky takim që ndodh pas 7 vitesh, që ka kaluar në një ferr si ai i kampit Al Hol në Siri.
Në videon e postuar nga kryeministri Edi Rama shihet sesi familjarët janë të emocionuar, ndërkohë që vetë kreu i qeverisë zbulon se fjalët që i ka thënë Endri janë “sa qenke plakur”.
Nëna e Endrit, nuk ngopet së përqafuari djalin e saj, që i ati ia mori nga krahët në moshën 6-vjeçare, së bashku me Evën, e cila ndodhet ende në kamp, pasi nuk ka pranuar të kthehet.
