Një ngjarje e rëndë ka ndodhur pasditen e sotme në aksin Tiranë-Durrës, ku një makinë ka përplasur për vdekje një këmbësor.
Ngjarja ka ndodhur në Maminas, ndërsa mësohet se në drejtimin e makinës tip “Peugeot” ishte 60 vjeçari Sh.A, i cili është shoqëruar në polici.
Policia ndodhet në vendngjarje për të hetuar rrethanat e plota të aksidentit.
Njoftimi i Policisë:
Më datë 18.10.2020, rreth orës 18:50, në autostradën Tiranë-Durrës, në Maminas, mjeti tip “Pezho” me drejtues shtetasin Sh. A., 60 vjeç, ka aksidentuar një shtetas këmbësor ende të paidentifikuar rreth 60 vjeç, i cili për pasojë ka ndërruar jetë.
Drejtuesi i mjetit është shoqëruar në ambjentet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e ngjarjes.
