Qeveria ka vendosur të shtojë kostot e qytetarëve për blerjen e karburantit.
Kjo pritet të reflektohet pas hyrjes në fuqi të projektligjit për “metrologjinë’ i cili paracakton se shërbimi i kontrollit të pompave të naftës dhe gazit do të kryhet nga subjekte private.
Por, problemi qëndron në faktin se me anë të këtij drafti që po diskutohet në komisionet parlamnetare qeveria parashikon që të rrisë kontrollet në pikat e karburanteve duke rënduar xhepat e qytetarëve.
Kështu, në draft parashikohet që koncesioni i pompave të karburanteve të përfitojë edhe më shumë duke i dhënë të drejtë kompanisë të kontrollojë më shpesh pompat dhe si rezultat të rrisë edhe të ardhurat e saj me dhjetëra milionë euro. Ndërkohë që pikat e tregtimit të karburanteve do ta shkarkojnë rritjen e kostove tek konsumatorët.
Në ligjin e vjetër, konçesionari ka të drejtë të realizojë dy kontrolle në çdo pompë në stacionet e shitje dhe për çdo verifikim paguan 70 mijë lekë të vjetra. Pikërisht drafti i ri për Metrologjinë” nuk përcakton një numër të saktë të kontrolleve duke e lënë atë shumë evazive dhe në dorë të kompanisë e cila mund të realizojë sa kontrolle ta shohë të arsyeshme.
Shqipëria rezulton një ndër vendet me çmimet më të larta të karburanteve në rajon dhe kjo për shkak të taksave që aplikohen në një litër naftë. Sipas përllogaritjeve 110 deri në 120 lekë në një litër naftë shqiptarët paguajnë vetëm taksa dhe ky konçesion e shton edhe më shumë koston si për qytetarët edhe për bizneset. /abcnews.al/
