Dy ditë më parë ministri Blendi Klosi deklaroi në një intervistë se zonat me muzikë janë zona ku virusi përhapet më shumë se në çdo vend tjetër pasi valët e muzikës janë ato që përçojnë virusin. Sipas tij, në distancat ku ka valë muzike përhapja e virusit është më e madhe.
Ndërkohë ditën e sotme ministrja Elisa Spiropali kur është pyetur nga gazetari në Report Tv nëse valët e muzikës mund ta përhapin koronavirusin, ndërsa është shprehur se ajo nuk mund ta dijë këtë për sa kohë nuk ka asnjë studim për këtë gjë.
Kjo deklaratë e Spiropalit nxjerr bllof ministrin Klosi, i cili tha se kishte një studim mbi valët e muzikës që përhapin koronavirusin.
