SPAK ka nisur të marrë në pyetje personat që po hetohen për prishjen e Teatrit Kombëtar.
SPAK bashkoi në një çështje 6 kallëzimet e Aleancës për Teatrin dhe secilin prej tyre do ta marrë në pyetje në kuadër të hetimeve.
E para që është marrë në pyetje nga Oficeri i Policisë Gjyqësore është avokatja Adriana Kalaja.
Prishja e godinës së Teatrit Kombëtar në 17 maj të këtij viti, surprizoi shumë njerëz jo për faktin e prishjes por më tepër për kohën kur ndodhi ndërhyrja e fadromave, gjatë natës dhe në kulmin e pandemisë.
Pasi u prish godina ka patur momente tensioni mes kundërshtarëve të prishjes së teatrit, opozitës dhe qytetarëve, me forcat e policisë.
