Presidenti i SHBA Donald Trump është shprehur se javën e ardhme do të nominojë një grua për të zëvendësuar gjyqtaren e ndjerë të Gjykatës së Lartë Ruth Bader Ginsburg.
Ginsburg, 87 vjeç, vdiq të premten, vetëm disa javë para zgjedhjeve presidenciale.
Rivali i Trump, Joe Biden, ka këmbëngulur se zëvëndësimi duhet të bëhet pas votimit.
Por Trump është zotuar se do të zëvëndësojë Ginsburg pa vonesë, një lëvizje që ka zemëruar Demokratët.
Ginsburg, e cila ishte liderja e krahut liberal në Gjykatën Supreme, ishte mbrojtëse e të drejtave të grave dhe luftës kundër diskriminimit.
