Partia Demokratike ka bojkotuar mbledhjen e Këshillit Politik. Raportohet se opozita nuk pranon diskutimet mbi draftin e paraqitur në Këshill.
Bylykbashi thotë se Opozita do zgjidhje konsensuale dhe për këtë i është kërkuar ODIHR një ekspertizë për Këshillin Politik.
“PS kërkon të ndryshojë atë që është konsensualisht e dakordësuar. Ia bëmë të qartë që do të presim përgjigjen e mazhorancës për çështjen e koalicioneve. Pa marrë përgjigje ekspertize nga OSBE/ODIHR, mund të vijojmë vetëm me çështje të tjera në tryezë. Koalicionet ruhen siç janë dhe lista 100% të hapura, nuk lëvizim nga këto kërkesa. Nëse nuk gjendet konsensus, i drejtohemi OSBE/ODIHR-it”, tha përfaqësuesi i PD-së, Oerd Bylykbashi.
