Ditën e hënë institucionet arsimore hapën dyert për të pritur edhe këtë vit nxënësit, të cilët do të duhet të përshtaten me rregullat e reja që ‘dikton’ pandemia COVID-19.
Por nuk ka vonuar shumë dhe në shkolla janë evidentuar raste me koronavirus. Në 4 shkolla të Fierit, ku 3 nga këto shkolla janë publike dhe një private ka patur raste të nxënësve të infektuar me COVID-19.
Në shkollat publike “Naim Frashëri”, “Jakov Xoxa” dhe “Penellopi Pirro” ka nxënës të infektuar, të cilët janë vetëkarantinuar në banesat e tyre, ndërsa dyshohet se e kanë marrë virusin nga prindërit ose të afërmit.
Ndërkohë edhe në Delvinë janë regjistruar raste me koronavirus në kopshte dhe çerdhe, ku të të infektuarit janë edukatore, sanitare dhe mësues.
