Analisti Agron Gjekmarkaj thotë se në zgjedhjet e ardhshme parlamentare opozita është në avantazh.
“Mendoj se opozita në këto momente që flasim është në avantazh sepse janë 8 vjet që maxhoranca është në pushtet dhe janë shumë gabime të bëra në qeveri. Mendoj se opozita ka shumë për të bërë dhe këta janë muaj vendimtar. Po ashtu, opozita duhet që të vendosë në gjendje energjie, që të bashkohet me opozitën dhe të vijë në pushtet. Duhen gjetur ata personalitete që rikthejnë besimin tek elektorati gri sidomos”, u shpreh Gjekmarkaj në Neës 24.
Më tej, Gjekmarkaj tha se gabimet e 8 viteve bien mbi kryeministrin Rama dhe ministrat e tij.
“Mendoj se kryeministri ka papërgjegjshmëri në emërimin e ministrave dhe e dyta ministret kanë problematike. Nuk e di sesi ministrja e Arsimit mund të thotë që unë do të largohem. Është problem edhe ky patriotizmi folklorik për të marrë persona nga Kosova, kur ndryshojnë disi gjërat. Rama ka marrë votat me të tjera persona. Edi Rama thjesht do të shkaktojë habi me ministra nga Kosova, nuk i ka interesuar shumë mënyra sesi ata do të qeverisin.
Nëse ikën Shahini, është papërgjegjshmëri. Dështimet kryesore i bien Edi Ramës. Është Rama ai që ka miliona euro borxhe, është ai që shkatërron mediat. Rama ka zgjedhur ca kukulla që dalin disa kohë dhe harrohen, sepse një pjesë e tyre janë anonim. Ne e dimë se Edi Rama e ka përdorur TVSH si zë të qeverisë. Rama do të spostojë vëmendjen nga debatet publike reale”, përmbylli analisti Agron Gjekmarkaj.
