Ish-deputeti socialist i përgjigjet akuzave të ish-kryeministrit Berisha për të akuzuarin për trafik droge
Ish-deputeti soiclaist Koço Kokëdhima, thotë se nuk ka asnjë lidhje me Klement Balilin, i akuzuar në Greqi si trafikant droge. Në përgjigje të akuzave të ish-kryeministrit Berisha, Kokëdhima sqaron se nuk e njeh personalisht Balilin dhe se nuk ka asnjë lidhje me PS-në. Ajo që duket interesante në deklaratëne Kokëdhimës është lidhja që sipas tij ka Balili me LSI-në. “Jam parë me të vetëm në inaugurimin e Hotelit tek ish-Kampi I punëtorëve në Sarandë, ku kam qenë së bashku me Kryetarin e Parlamentit, Ministrin Ahmetaj dhe nje grup deputetësh, Kryetarë të Bashkive, drejtues të shtypit e gazetarë.
Balili nuk është propozuar dhe as emëruar si drejtor I KSHA Sarandë as nga unë dhe as nga Partia Socialiste. Ai, në këtë detyrë është propozuar dhe vendosur nga LSI. Që nga majii 2013, që unë jam në politikë dhe asnjëhërë tjetër me parë, Balilajt nuk e kanë mbështetur Partinë Socialiste as finaciarisht, as materialisht dhe në asnjë formë tjetër.
Nga Balilajt, unë njoh prej një viti Rigels Balilin, qysh nga qershorit i 2015. Rigelsi u vendos nga LSI si kandidaturë për kryetar të bashkisë së Delvinës. Me Kryetarin e Bashkisë së Delvinës, Rigels Balili, unë kam ruajtur kontakte dhe komunikim shumë të mirë, si me gjithë kryetarët e tjerë të Bashkive në Qarkun Vlorë-Gjirokastër, ku unë punoj. Kam takuar 3-4 herë edhe Bako Balilin, kordinatorin e LSI për rrethin e Delvinës, kryesisht gjatë fushatës elektorale të 2015. Përpara vitit 2013, Balilajt nuk kanë qenë kurrë me Partinë Socialiste”, thotë Kokëdhima.
