Eksperti më i lartë i qeverisë së SHBA për sëmundjet infektive Dr. Anthony Fauci është shprehur se çdo përpjekje për të autorizuar dhe shpërndarë një vaksinë të koronavirusit para se të dëshmohet se është e sigurt dhe efektive, mund të dëmtojë përpjekjet e zhvillimit të vaksinave të tjera.
Fauci ka thënë për ‘Reuters’ se zyrtarët e Shtëpisë së Bardhë po shqyrtojnë mundësinë e një autorizimi të përdorimit të një vaksine para se të përfundojnë testimet e fazës së fundit.
“Është një rrezik nëse lëshoni para kohe një vaksinë e cila nuk ka kaluar tre fzazt. Për mua është parësore që të tregohet se vaksina është e sigurt dhe efektive,”tha Fauci.
Kujtojmë që shumë kompani janë në garë për vaksinën kundër Covid-19, por deri më tani më e suksesshme ka rezultuar vaksina e Oksfordit, mbetet për të parë nëse do të jetë e tillë deri në përfundimin e fazës së 3-të.
