Dalin detaje të reja në lidhje me ngjarjen e ndodhur sot pasdite në fshatin Zagorçan të Pogradecit.
Autori Fatos Çoçka ka goditur me thikë fqinjin e tij Dirjan (Dorjan) Rusi, duke i shkaktuar plagë serioze. Ky i fundit është transportuar me urgjencë drejt spitalit, teksa ende nuk bëhet me dije gjendja e tij shëndetësore.
Konflikti mes dy personave thuhet se ka ndodhur për motive të dobëta, por pritet që në vijim të dalin detaje të reja. Mësohet se i plagosuri Rusi, pas sherrit i cili nisi në lokalin e fshatit, është larguar drejt shtëpisë për ta evituar zënkën, por Çoçka e ka ndjekur dhe e ka qëlluar nga pas.
Policia pasi mbërriti në vendngjarje ka arrestuar dhe shtetasin Fatos Çoçka.
