Lajm i hidhur për të gjithë artin fierak.
Pas një beteje të gjatë, rreth 4 javore dhe prej tre ditësh e intubuar në spital nga COVID-19, ka humbur jetën këngëtarja e njohur e muzikës myzeqare Rainita Pupi.
Ajo është ndarë nga jeta në moshën 52-vjeçare në kryeqytet, ku ishte nën kujdesin e mjekëve.
Siç raporton gazetarja Valbona Davidhi për abcnews.al, kohët e fundit familjarët e saj, edhe në media kanë kërkuar ndihmë për mjekim më të specializuar për Rainitën.
Me gjithë përpjekjet e shumta, ajo është ndarë nga jeta këtë të premte duke lënë pas dhimbje dhe dëshpërim të madh.
Artistja 52-vjeçare Rainita Pupi ka lënë një repertor të gjerë këngësh dhe një kontribut të madh artistik në Fier që do të jenë një thesar i çmuar për këtë qytet dhe jo vetëm.
