Ditën e sotme është shënuar edhe rekordi i ri me numrin më të larët të infektimeve me koronavirus në 24 orë, pasi janë konfirmuar 155 raste të reja.
Por duket se 10 nga të infektuarit janë nga burgu i Peqinit, pasi burimet thonë se kanë rezultuar pozitiv 10 punonjës të burgut, mes tyre edhe shefi i regjimit të brendshëm.
Situata është shqetësuese në burgjet shqiptare, pasi vetëm pak ditë më parë në burgun e Fierit 8 punonjës dhe 1 i burgosur dolën pozitiv në testet për COVID.
Numrin më të madh të të dënuarve me COVID-19 e ka burgu i Lezhës.
