Mediat serbe kanë njoftuar se ushtria serbe del kundër urdhrit të presidentit Aleksandër Vuçiç, duke refuzuar të ndalojë protestat në Beograd.
Media Nova në Serbi shkruan se refuzimi ka ardhur nga Brigada e 63-të e Parashutistëve. Policia u përplas sërish me protestuesit në Beograd, teksa u shënua nata e tretë e protestave të dhunshme.
Demonstruesit vazhdojnë të sfidojnë urdhrin që ndalon grumbullimin e njerëzve. Edhe këtë herë, protestuesit sulmuan godinën e parlamentit, duke tentuar që të futen brenda.
Ndërkohë portali Nova në Serbi raporton se ushtria ka refuzuar urdhrin për të marrë pjesë në shtypjen e protestave.
