Ambasadorët: Reforma në Drejtësi kërkon rolin vendimtar të PD
Në përfundim të mbledhjes së grupit parlamentar të PD e cila zgjati gati 2 orë, ambasadorët Lu e Vlahutin të pranishëm në takim theksuan edhe një herë se Reforma në Drejtësi është një kusht kyc për integrimin e vendit. Ambasadori amerikan tha se pret nga PD që ashtu si ka luajtur rol vendimtar në historinë 25 vjecarë të demokracisë të vazhdojë edhe me reformën në drejtësi. Ambasadorja Vlahutin foli për rëndësinë e monitorimit të kësaj reforme.
Deklarata e Ambasadorit amerikan Donald Lu
“Unë përfaqësoj një vend që për mëse 100 vite ka luftuar për të mbajtur Shqipërinë sovrane, demokratike dhe të sigurt dhe në 25 vitet e shkuara kemi punuar për të arritur gjëra të mëdha: lufta në Kosovë, anëtarësimi në NATO, liberalizimi i vizave. PD ka luajtur një rol vendimtar në historinë postkomuniste dhe presim që kjo traditë të vazhdojë në kontekstin e reformës në drejtësr, deklaroi Lu.
Deklarata e ambasadores së BE, Romana Vlahutin
“Ishte një diskutim shumë i dobishëm dhe konstruktiv. Kemi qartësuar disa çështje të cilat më parë nuk ishin të qarta. Por është e rëndësishme se ne të gjithë kemi rënë dakord se jemi partnerë dhe aleatë për të mirën e Shqipërisë. Në ditët në vijim të gjitha energjitë tona do kalojnë tek kjo reformë që të përfundojë. Zbatimi i kësaj reforme rëndësi të madhe edhe për BE-në. Do sigurohemi që të kemi mekanizëm monitorues shumë serioz që ajo që është shkruar në letra të bëhet realitet për qytetarët e këtij vendi.”
