“Revokimi i lejës gjykohet nga familjarë të ndërtuesit”
Kryebashkiaku Erjon Veliaj në një status të tijin në Tëitter fton qytetarët të protestojnë para gjykatës për ndërtimin e pallatit 17 katësh pranë digës së liqenit. Sipas Veliajt gjykimin për ndërtimin apo jo të tij e kanë në dorë familjarë të ndërtuesve. Kjo siç tha ai është e paligjshme dhe fyese. “Premtova se do kërkoj revokimin e lejes te Liqeni sipas raportit të Bordit të Digave. Seanca ku do kërkojmë anulimin e lejes së ndërtimit do zhvillohet sot në orën 11:00”,- tha Veliaj.
Ai shtoi se: “Gjykimi nga familjarë të ndërtuesve është i paligjshëm dhe fyes. Gjyqtarë nuk mund të jenë familjarët e ndërtuesve. Hiqni familjarët nga gjykimi, ndryshe do protestojmë. “Gjykata s’mund të jetë tender për ofertën më të lartë. Në 11:00 të gjithë te gjykata për reformë në drejtësi. Reforma në Drejtësi duhet të bëhet për drejtësi në qytet”.
