SPAK ka kërkuar konfiskimin e pasurisë së gjyqtarit Shkëlqim Miri, i akuzuar dhe dënuar për korrupsion, me 2 vite e 6 muaj muaj burg. I shkarkuar nga vetting, Miri nuk justifikon dot 145 mijë euro, 1000$ ndaj SPAK ka kërkuar sekuestrimin e tyre së bashku me 9.3 milionë lekë cash.
Kujtojmë se në datë 9 nëntor 2017, Sektori për Hetimin e Korrupsionin në Drejtorinë për Hetimin e Krimit Ekonomik e Financiar, ndaloi ish-gjyqtarin e Gjykatës së Apelit Shkëlqim Miri pasi liroi nga burgu të dënuarin për vrasje Gentjan Doda, kundrejt një ryshfeti prej 30 mijë eurosh.
Ndërsa në shtëpinë e tij gjatë kontrollit, u gjetën 34 mln lekë, për të cilat Shkëlqim Miri tha se ishin të disa të afërmve të tij.
Në nëntor 2018, Gjykata e Krimeve të Rënda dënoi me 2 vjet e 6 muaj burg gjyqtarin e Apelit Shkëlqim Miri duke e shpallur fajtor për akuzën e korrupsionit. Ai nuk mund ta ushtrojë më detyrën e tij si gjyqtar.
