Përfaqësuesi i qendrës Shqiptare të Kërkimeve Ekonomike, Zef Preci në një intervistë për “Abc-në e Mëngjesit”, ka komentuar entuziazmin e qeverisë për miratimin e eurobondit prej 650 mln euro.
Preci është shprehur se kjo nuk duhet të shikohet si një sukses pasi më shumë kemi të bëjmë me një situatë që nxjerr në pah vështirësitë e qeverisë.
“Në këtë nuk ka nevojë për entuziazëm dhe për mburrjeve për shtimin e borxhit pasi kjo është një tregues se qeveria nuk ka pas aftësi. Dhe gjithashtu varet se ku do të përdoret ky borxh. Deri më tani mbetet për të parë se ku do të shpenzohen këto para përveç pagesës së borxhit të vjetër. Rritja e borxhit është tregues i keqqeverisjes”, është shprehur Preci.
Eksperti i ekonomisë ka theksuar se zerimi i taksës për biznesin e vogël nuk do e ndihmojë atë të dalë nga gjendja, pasi sipas tij një gjë e tillë do të na sjellë dhe copëtim të një pjesë të biznesit të madh.
“Problemi i ngushtimit të informilitetit lidhet me filozofinë që udhëheq një qeveri, nëse bëhet fjalë për formalizim të sektorit informal, qeveria duhet mbështetur pasi kjo shton kontributet në takse, por defekti i reformës së qeverisë së vendosur që në fillim. Qeveria është marrë me biznesin e vogël duke i rritur kostot dhe nxitur falimentimin e tyre, pasi u rrit numri i regjistrimit të biznesit të vogël të regjistruar por u shtua pak kontributi i biznesit në tatime dhe në taksa. Madje gjithashtu diskutohet edhe TVSH. Mendoj se Shqipëria duhet të heqë dorë tashmë nga eksperimentimi dhe të shikojë vendimet e vende përreth, për të analizuar kostot e biznesit. TVSH nuk është vetëm për të mbush arkën e shtetit, por është instrument kontrolli. Mendoj se Shqipëria nëse do të kishte një realizim më të madh në politikat fiskale për tu kthyer te taksa e sheshtë jo me 10 por me 12%, dhe të mos merremi me biznes të madh apo të vogël, pasi do të përballemi me coptim të biznesit të madh”, ka thënë ai./abcnews
