Pas publikimit të videos ku Vittorio Sgarbi u duk se rrezikoi të mbytej mes dallgëve të larta të detit në Palasë, ka reaguar vetë publicisti i njohur italian.
Në një video të publikuar nga kryebashkiaku i Vlorës Dritan Leli, Sgarbi tha se ishte mirë dhe gëzon shëndet të plotë.
Publicisti italian u shpreh se doli më i fortë se kurrë nga uji dhe e konsideroi një pagëzim shqiptar.
“Dola më i fortë se më parë. Asgjë serioze dhe vajza ime më ndihmoi të dilja nga uji. Ishte një pagëzim shqiptar”-, u shpreh ai. Sgarbi po pushon në bregdetin shqiptar të Jugut këto ditë. Video, ku kritiku i njohur i artit rrezikoi të mbytej u publikua në kanalin e tij të Youtube.
