Papa Francesco foli këtë mëngjes për vdekjen tragjike të George Floyd dhe për gjendjen në SHBA.
Papa shtoi se ai po lutet për qetësinë e shpirtit të George Floyd dhe të gjithë njerëzve që kanë humbur jetën si rezultat i racizmit.
Në lutjen e tij të përjavshme, Papa tha: “Të dashur vëllezër dhe motra në Shtetet e Bashkuara të Amerikës, e kam ndjekur me shqetësim mungesën e paqes sociale në kombin tuaj këto ditë, pas vdekjes tragjike të z.George Floyd. Miqtë e mi, ne nuk mund ta tolerojmë apo të mbyllim sytë para racizmit, apo përjashtimit në çdo formë, pasi kërkojmë mbrojtjen e çdo jete njerëzore. Në të njëjtën kohë, duhet ta pranojmë që dhuna e kohëve të fundit është vetë-shkatërruese. Me dhunë nuk fitojmë gjë dhe humbasim shumë.”
