“Covid-19 ka humbur forcën”, virologu italian: Ja kur mund të rikthehet sërish

Koronavirusi po humbet forcën. Ky është konkluzioni që presidenti i virologëve italian, Arnaldo Caruso, lidhur me Sars-Cov-2.
“Infeksionet janë shumë të lehta, tamponët mezi dalin pozitive dhe madje edhe ata që kanë një ngarkesë të fortë virale janë asimptomatikë”, thekson Caruso.
Sipas tij, ndërsa llojet virale të muajve të kaluar që kemi izoluar dhe renditur janë bomba biologjike që shfarosin qelizat e që godasin në 2-3 ditë, varianti i ri i Sars-CoV-2 kërkon 6 ditë për t’i sulmuar ato.
“Këto variante virale më të zbutura duhet të bëhen e ardhmja e evolucionit të mundshëm të Covid-19. Infeksionet janë shumë të lehta, pothuajse të padukshme. Virusi shihet në doza shumë të vogla”, thekson ai, raporton Quotidiano.net.
Edhe studiuesit e Hong Kong-ut tashmë flasin për dobësimin e koronavirusit të ri në një studim të botuar në revistën “Emerging Microbes & Infections”. Gjithashtu në Shtetet e Bashkuara të Amerikës e njëjta gjë po ndodh.
“Pra si të gjithë viruset e frymëmarrjes mendojmë qe edhe COVID-19 ka tendencë të largohet në sezonin pranverë-verë për arsye që ende nuk i dimë saktësisht, si dhe nuk e dimë pse ato rikthehen në nëntor-dhjetor”, shprehet virologu italian.