Pasditen e sotme Aleanca për Mbrojtjen e Tetarit ka thirrur një tjetër tubim qytetar për të kundërshtuar shembjen e Teatrit Kombëtar.
Protesta do të fillojë rreth orës 17:30, në të njëjtën orë si me parë dhe do të mbahet në Bulevardin e Tiranës pranë pedonales. Partitë opozitare jashtë Kuvendit kanë deklaruar mbështetje për sa i përket pjesëmarrjes.
Por ashtu siç ndodhi në tubimin e së hënës, edhe sot nuk pritet të ketë folës politikanë apo anëtarë të partive. Në podium do të ngjiten për të folur vetëm artistët dhe ata aktivistë të shoqërisë civile, që për më shumë se dy vite luftuan për ta mbrojtur godinën historike dhe që një pjesë e mirë e tyre ishin brenda në ndërtesë kur filloi shembja nga fadroma e INUV-it.
