Këtë të premte janë konfirmuar pesë raste të reja me Covid-19, duke e çuar në 10 numrin e të infektuarve në Berat.
Bëhet me dije se rastet e reja janë familjarë të punonjëses së bashkisë të konfirmuar një ditë më parë, me koronavirus. Konkretisht të konfirmuar pozitiv me Covid-19 janë nëna, babai, motra, vëllai dhe vajza e saj.
Ditën e sotme është konfirmuar dhe një tjetër rast i ri në Krujë, ndërkohë një ditë më parë numri i personave të infektuar në vendin tonë është 898 dhe 31 kanë humbur jetën.
