Pas vizitës në Fier, kryeministri Edi Rama është ndalur në Vlorë aty ku ka inspektuar punimet në kantierin e Lungomare 2.
Rama shoqërohej nga kryebashkiaku i Vlorës, Dritan Leli si dhe deputeti i PS për qarkun, Damian Gjiknuri, ku është informuar se deri tani janë kryer rreth 80% të punimeve dhe puna vijon ndërkohë afati i përfundimit të këtij projekti në tërësi është tetor 2021.
Mes batutave, Rama ka kërkuar që kjo të jetë gati për festën e fëmijëve të 1 qershorit vitin tjetër. Lungomare 2 do të ketë plazh natyral me rërë, shëtitore, dy pishina, parkim, shërbime të klasit të parë.
