Mjeku Roland Xhaxho, ishte një nga dhjetëra mjekët e infektuar me COVID-19 në vendin tonë, ndërkohë që pak ditë më parë la edhe spitalin e Infektivit pasi e fitoi betejën me koronavirusin.
Në një intervistë të dhënë, mjeku foli edhe për gjendjen e tij shëndetësore, ku tha se po shkon drejt përmirësimit.
“Gjendja ime po shkon drejt përmirësimit në mënyrë graduale, duke e rimarrë veten nga ana fizike gjithmonë e më mirë.Duke qenë mjek reanimator dhe duke i njohur komplikimet, për mua ishte e papritur, por ndodhi. Ditët e para, tek unë u shfaq me temperaturë, më pas me humbjen e oreksit. Kam humbur rreth 12 kg. Ditët e para nuk kisha një rënie të peshës, por proceset që kishte mbi organizmin tim virusi bëri që të humbisja peshë, pavarsisht se oreksi m’u rikthye. Besoj javën tjetër do të rikthehem në punë.
Kemi kapacitete të pranojmë dhe 300 pacientë njëkohësisht. Sistemi shëndetësor është mirë organizuar dhe i përgatitur qoftë dhe për një sulm të dytë, nëse do të ketë nga ky virus. Të rinjtë duhet të shkojnë të punojnë, por prindërit e tyre duhet ti mbajnë pak larg në distancë sociale në mënyrë që të shmangin kontaminimin e tyre.
Është virus i pabesë sepsë nuk e di se çfarë dëmtimesh mund të japë. Ky është një virus që shkatërron organizmin edhe kur nuk ke tepmperaturë, është shumë aktiv dhe duhet patur shumë kujdes dhe duhet respektuar rregullat. Në mënyrë që të shmangim numrin e pacientëve që mund të rrezikojnë jetën.” shprehet Xhaxho.
Diella u prezantua si armë kundër korrupsionit, por krijuesit e saj po përballen me drejtësinë –
Media austriake “Der Standard” i ka kushtuar një artikull ministres shqiptare të Inteligjencës Artificiale, “Diella”, e prezantuar nga kryeministri Edi...
