Ministria e Shëndetësisë maqedonase ka njoftuar se brenda brenda 24 orëve janë regjistruar 41 raste të reja me koronavirus në Maqedoninë e Veriut.
Mësohet se nga 649 teste të kryera për koronavirus, 17 persona kanë dalë pozitivë në Shkup, 11 në Kumanovë, pesë në Prilep, 3 në Tetovë ndërsa në qytetet tjera numri i të infektuarve është më i vogël.
Në testin e parë për koronavirus, negativë kanë dalë edhe zyrtarët shtetërorë që ishin futur në vetizolim, përfshirë edhe kryeministrin, Oliver Spasovski.
Kujtojmë se numri i përgjithshëm i të infektuarve ka shkuar në 1,300 ndërsa i të vdekurve mbetet në shifrën 56. Po ashtu mësohet se gjatë 24 orëve të fundit 29 persona janë shëruar duke e çuar në 301 numrin e përgjithshëm të tyre.
