Numri i viktimave në Spanjë shënon rënie për ditën e tretë radhazi.
Ministria e Shëndetësisë spanjolle konfirmon se 510 persona kanë humbur jetën si pasojë e koronavirusit 24 orët e fundit, duke shënuar dhe numrin më të ulët që nga 23 marsi.
Vendi shënon një total prej më shumë se 161 mijë të prekurish dhe mbi 16 mijë viktima. Të dhënat dëshmojnë se masat për izolimin e popullsisë janë duke dhënë rezultat dhe mund të thuhet se vendi është në të ashtuquajturën fazë stabilizimi.
Gjendja e emergjencës në Spanjë si pasojë e koronavirusit u shpall në 14 mars dhe është shtyrë sërish deri në 26 Prrill.
