Akuzohen për veprën penale të shpërdorimit të detyrës përmes fallsifikimit të dokumentave
Policia e Vlorës ka arrestuar dje tre efektivë të policisë rrugore në Delvinë. Ata akuzohen për veprat penale “Shperdorimi i detyres, kryer ne bashkepunim” dhe “Falsifikimi i dokumentave nga personi qe ka per detyre te leshoje dokumentin, kryer në bashkëpunim”. Të arrestuarit janë nënkomisar Artan Alinani, 47 vjeç, me detyre Specialist Sherbimi dhe Pergjegjes grupi ne seksionin e kontrollit dhe menaxhimit te qarkullimit rrugor ne Komisariatin e Policise Delvine; Inspektor Osman Tozo, me detyre Trupë shërbimi në Seksionin e kontrollit dhe menaxhimit ne Komisariatin e Policise Delvine dhe Inspektor Shkelqim Vrapi, me detyre Trupe sherbimi ne seksionin e kontrollit dhe menaxhimit ne Komisariatin e Policise Delvine.
Ndalimi i tyre u bë pasi në datë 2 maj 2016, rreth orës 13:00 të mesditës, në një rrugë të qytetit të Delvinës, automjeti i tipit “Mercedes Benz” me targë DL 3134 A në pronesi të shtetasit M.A, por i drejtuar nga shtetasi A.Sh u përplas me automjetin me targa greke YZX 4089.
Policia thotë se pavarësisht ngjarjes se ndodhur, shefi i Sektorit të Qarkullimit Rrugor në Komisariatin e Policisë Delvinë, N/Komisar Artan Alinani, dyshohet se ka ndryshuar emrin e drejtuesit të automjetit me targë DL 3134 A të perfshire në ngjarje, shtetasit A.Sh, pasi nuk kishte leje drejtimi, me një shtetas tjetër.
Në realizimin e këtij akti falsifikimi janë përfshirë edhe efektivët e policisë Inspektor Shkëlqim Vrapi dhe Inspektor Osman Tozo.
