Kryegjyshata Botërore e Bektashinjve i dhuron Policisë së Tiranës maska dhe detergjentë dezinfektues.
Baba Mondi shprehu solidaritet me policinë në këto ditë të vështira të shkaktuara prej pandemisë së koronavirusit.
“Roli i policisë shumë i rëndësishëm në përballimin e kësaj situate të vështirë. Pas mjekëve, policia në vijën e parë të frontit në përballimin e situatës”, u shpreh Baba Mondi.
Drejtori i Policisë së Tiranës Jaupaj falënderoi Baba Mondin për ndihmën. “Ndihmë e rëndësishme për policinë e cila është në shërbim të qytetarëve. Kemi parë se qytetarët po respektojnë masat e vendosura nga qeveria”, tha Jaupaj.
